image description

МНС Рэспублікі Беларусь

У цэнтры ўвагі выратавальнікаў - палявыя работы («Івацэвіцкі веснік», 23.04.2018 г.)

7

 Сёлетняя вясна прыпазнілася, а значыць прыспешваюць вяскоўцаў сельскагаспадарчыя работы на палях ды сенажацях. Акрамя сяўбы яравых збожжавых і зернебабовых культур на чарзе сяўба карняплодаў, пасадка бульбы, ды і каб дабіцца добрага травастою, а потым і назапасіць дастатковую колькасць кармоў, патрэбна своечасова правесці падкормку лугоў і сенажацяў. Словам, работы ў сельгасвытворцаў хоць адбаўляй. І паўсюдна задзейнісана тэхніка. Магутная, энерганасычаная, дорагастоячая.

Каб зберагчы тэхніку, а разам своечасова правесці сяўбу, важна, каб тэхніка была спраўнай, каб у гаспадарках раёна было зроблена ўсё дзеля таго, каб зберагчы яе ад агню. Апошні, як вядома, любіць нядбайных. Вось і неабходна забяспечыць занятую на веснавых палявых работах тэхніку і прычапныя прыстасаванні спраўнымі вогнетушыцелямі, а калі патрэбна, то і іскрагасільнікамі. Тут аграрыям навесці бяспечны парадак у сельгасвытворчасці дапамагаюць выратавальнікі, бо забеспячэнне пажарнай бяспекі застаецца актуальным і ўвесну, і летам, і восенню.

Такім чынам, начальнік Івацэвіцкага райаддзела па НС Васілій Бацкалевіч правёў маніторынг выканання заканадаўства аб пажарнай бяспецы шэрагу сельскагаспадарчых прадпрыемстваў і арганізацый. Да прыкладу, ён наведаў ААТ “Аброўскі”, дзе не толькі дэталёва агледзеў усю задзйнічаную на пасяўной тэхніку, але і пераканаўся ў спраўнасці вогнетушыцеляў, у веданні працуючымі механізатарамі асноўнага алгарытму дзяння ры пажары, нагадаўшы ім парадак дзеянняў у выпадку ўзгарання, прымяненне пярвічных сродкаў пажаратушэння.

Увага працаўнікоў сяла была акцэнціравана на няўхільным выкананні патрабаванняў правілаў пажарнай бяспекі пры кантралюемым паленні кастроў для спальвання смецця і бытавых адыходаў, а таксама на забароне выпальвання сухой травы, г.зн. правядзенні вясновых палаў травы, ў тым ліку і сельскагаспадарчых, чым часам грашаць аграномы і брыгадзіры-паляводы некаторых сельгаспрадпрыемстваў, пасылаючы падначаленых выпальваць траву, пожню, рэшткі непрыбранай саломы. Кіраўніком раённай службы МНС былі прыведзеныя і факты пажараў, якімі абарачаецца бяскрыўднае на першы погляд выпальванне травы.

Аналагічную пажарна-прафілактычную работу ў ААТ “Мілейкі” правёў інспектар ІНіП Івацэвіцкага райаддзела па НС Віталій Пархомік.

Па выніках праведзеных маніторынгаў кіраўнікам сельскагаспадарчых прадпрыемстваў  складзеныя і ўручаныя рэкамендацыі.

 

Валерый Молаш, ст. інспектар ГПіУГ райаддзела па НС.

Районная газета «Івацэвіцкі веснік», 23.04.2018 г.

http://www.ivatsevichy.by/1/zdaryenn/sluzhba-mns/u-cyentry-vag-vyratavaln-ka-paljavyja-raboty.html

Іншыя навіны


Назад
Закрыть
Зачыніць Зачыніць Зачыніць
Зачыніць

Центральный аппарат МЧС

Территориальные управления

Департаменты

Закрыть

Территориальные управления

Закрыть