Главное

«Адзін дзень з выратавальнікамі» прайшоў у дзіцячым рэспубліканскім аздараўленчым цэнтры «Ждановічы»

«Адзін дзень з выратавальнікамі» прайшоў у дзіцячым рэспубліканскім аздараўленчым цэнтры «Ждановічы». Стартавала мерапрыемства ў актавай зале, дзе работнікі Мінскага раённага аддзела па надзвычайных сітуацыях распавялі дзецям аб правілах бяспекі і паказалі мультфільмы з серыі «Чароўная кніга МНС». Па заканчэнні кінасеанса рабят чакала займальнае падарожжа ў «краіну бяспекі».

На гульнявых пляцоўках дзяцей сустрэлі з займальнымі конкурсамі: «Выклік ратавальнікаў», «Пажарныя гонкі», «Дзе логiка?», «Загадкі», дзе ўсе ўдзельнікі змаглі праявіць сваю спрытнасць і кемлівасць і атрымаць памятныя прызы.

Таксама ў дзяцей была магчымасць пазнаёміцца з рыштункам пажарнай аварыйна-выратавальнай службы, разгледзець аснашчэнне пажарнай аўтацыстэрны і пасядзець у яе кабіне. Вядома, самым цікавым і відовішчным стала тушэнне падпаленай бляхі пры дапамозе вогнетушыцеля. Кожнаму хацелася паспрабаваць у дзеянні парашковы вогнетушыцель і самастойна ліквідаваць загаранне.

Спартыўная пляцоўка таксама не пуставала ў гэты дзень. Былі створаны шэсць каманд, якія прынялі ўдзел у «пажарна-спартыўнай» эстафеце. Спецыяльна для творчых юнакоў і дзяўчат быў арганізаваны конкурс малюнкаў на тэму «Выратавальнікі вачыма дзяцей».

Завяршылася мерапрыемства падвядзеннем вынікаў. Самыя хуткія, знаходлівыя, таленавітыя былі ўзнагароджаны каштоўнымі падарункамі ад МНС.