МЧС Беларуси
Заняткі па плаванні – важны складнік фарміравання ў дзяцей навыкаў бяспечных паводзін на вадзе
На Брэстчыне надаецца пільная ўвага навучанню дзяцей плаванню. Так, у спецыялізаванай дзіцяча-юнацкай школе алімпійскага рэзерву №4 па плаванні горада Баранавічы штотыдзень праходзяць такія заняткі з выхаванцамі ваенна-патрыятычнага клуба «Фенікс».
Спачатку – тэорыя: рабяты паўтараюць правілы паводзін на вадзе. Затым – практыка. Пад вопытным кіраўніцтвам работнікаў МНС вучні асвойваюць тэхніку асноўных відаў плавання (кроль, брас, батэрфляй на спіне), вучацца трымацца на вадзе, правільна дыхаць, пераадольваць водную адлегласць. Таксама для дзяцей арганізаваны гульні з мячом на вадзе.
Такія заняткі з'яўляюцца важным элементам фізічнага выхавання дзяцей. Яны спрыяюць умацаванню здароўя і фармаванню навыкаў бяспечных паводзін на вадзе.
– Гэта трэніроўка ўсяго цела, якая патрабуе сілы, цягавітасці. Гэтыя фізічныя навыкі можна выкарыстоўваць і ў іншых відах спорту, – адзначыў інспектар па прафесійнай падрыхтоўцы і спорце Баранавіцкага гаррайаддзела па надзвычайных сітуацыях Андрэй Пятрушка.
З карысцю правялі час і навучэнцы профільнага класа МНС сярэдняй школы №1 горада Івацэвічы імя Уладзіміра Гука, якія наведалі гарадскі плавальны басейн. Трэнер-выкладчык установы правяла тэматычныя практычныя заняткі.
Работнікі Брэсцкага гарадскога аддзела па надзвычайных сітуацыях сумесна з прадстаўнікамі АСВОД арганізавалі заняткі па плаванні з навучэнцамі профільных класаў МНС у сярэдніх школах №16,19 і 26 горада Брэста, а таксама выхаванцамі ваенна-патрыятычнага клуба «Зубр».
У абласным цэнтры заняткі праходзяць на базе ўстаноў адукацыі, а таксама гарадскога фізкультурна-аздараўленчага комплексу. Апроч асноўных навыкаў плавання дзеці вывучаюць правілы аказання дапамогі пацярпелым на вадзе.
Будь готов
Другие новости
Назад
