Главное

Вадзім Сіняўскі прыняў удзел у адкрыцці нарады работнікаў прэс-службы

На базе Адукацыйнага цэнтра бяспекі жыццядзейнасці пад кіраўніцтвам міністра па надзвычайных сітуацыях Вадзіма Сіняўскага адбылася рабочая нарада, прысвечаная рэалізацыі інфармацыйнай палітыкі ведамства.

У мерапрыемстве прынялі ўдзел кіраўніцтва міністэрства, начальнікі падраздзяленняў цэнтральнага апарату, Мінскага гарадскога і абласнога ўпраўленняў МНС, работнікі прэс-службы ведамства, а таксама прадстаўнікі рэдакцыі часопісаў «Служба выратавання», «Юны выратавальнік» і «Прамысловая бяспека».

Галоўная мэта – выпрацоўка адзіных падыходаў да прасоўвання ведамаснай павесткі ў 2026 годзе, умацаванне іміджу органаў і падраздзяленняў па надзвычайных сітуацыях і ўдасканаленне формаў узаемадзеяння з грамадствам у лічбавым асяроддзі.

Адкрываючы нараду, Вадзім Сіняўскі падкрэсліў, што аператыўнае і якаснае інфармаванне насельніцтва – гэта не проста асвятленне дзейнасці, а стратэгічны элемент забеспячэння бяспекі краіны. Паводле яго слоў, у сучасных умовах інфармацыя становіцца такім жа інструментам абароны, як тэхніка, падрыхтоўка асабістага складу і адладжаныя алгарытмы рэагавання.

IMG_1132 — копия.JPG

– Усе задачы вызначаны, але ёсць нюансы, якія патрабуюць сумеснага абмеркавання для ўдасканалення нашай дзейнасці. Сёння прэс-служба – гэта не толькі інфармацыйны рэсурс, але і сур'ёзны інструмент, які абавязаны выкарыстоўваць усе падраздзяленні міністэрства без выключэння. Наладзіць гэтае ўзаемадзеянне – асноўная мэта нашай сустрэчы, – адзначыў міністр.

Вадзім Сіняўскі акцэнтаваў увагу на тым, што пытанне інфармацыйнага рэагавання стаіць вельмі востра на ўзроўні Кіраўніка дзяржавы. Прэзідэнт Аляксандр Лукашэнка падкрэслівае неабходнасць своечасовага, дакладнага і прафесійнага данясення грамадска значнай інфармацыі, асабліва калі гаворка ідзе пра надзвычайныя сітуацыі, пагрозы і прафілактыку. Менавіта таму рэалізацыя адпаведнага ўказа з'яўляецца для МНС не фармальным абавязкам, а найважнейшай часткай дзяржаўнай палітыкі ў сферы бяспекі.

Памочнік міністра – прэс-сакратар Яўген Бараноўскі вызначыў ключавыя вектары інфармацыйнай дзейнасці ведамства ў 2025 годзе, падкрэсліўшы, што прэс-служба МНС сёння ўяўляе сабой не проста «навінавы аддзел», які транслюе аператыўную зводку, а выступае ў ролі высокатэхналагічнага стратэгічнага камунікатара. Яна з'яўляецца ключавым звяном, якое забяспечвае глыбокую інфармацыйную падтрымку ўсіх кірункаў дзейнасці ведамства – ад асвятлення баявой работы выратавальнікаў у экстрэмальных умовах да прасоўвання ідэалагічных каштоўнасцей і патрыятычнага выхавання. Працуючы на стыку медыятэхналогій і аналітыкі, падраздзяленне фарміруе ў насельніцтва не толькі высокі ўзровень даверу да міністэрства, але і выразнае ўсведамленне асабістай адказнасці за бяспеку, ператвараючы сухія пратакольныя справаздачы ў жывыя і зразумелыя вобразы прафесіяналаў сваёй справы.

Памочнік міністра падкрэсліў, што інфармацыйнае рэагавання ў дзейнасці выратавальнікаў мае асаблівае значэнне.

– Сёння інфарэсурсы МНС з'яўляюцца першакрыніцай аператыўнай і праверанай інфармацыі. І самае важнае, мы паказваем крызісы не як праблему, а як іх вырашэнне.

На нарадзе выступіў начальнік Універсітэта грамадзянскай абароны МНС Іван Палявода, які акцэнтаваў увагу на стратэгічнай значнасці прапагандысцкай работы з насельніцтвам у галіне бяспекі жыццядзейнасці. Паводле яго слоў, менавіта комплексная асвета грамадзян, рэгулярнае давядзенне актуальнай інфармацыі аб рызыках і навучанне навыкам бяспечных паводзін дазваляюць фарміраваць устойлівую культуру бяспекі і істотна зніжаць верагоднасць узнікнення надзвычайных сітуацый. Ён падкрэсліў, што дадзены кірунак патрабуе сістэмнага падыходу, міжведамаснага ўзаемадзеяння і пастаяннага ўдасканалення метадаў работы з рознымі мэтавымі аўдыторыямі.

– Мы назіраем паступовы пераход ад паняцця «прапаганда» да больш шырокай сістэмы фарміравання культуры бяспекі жыццядзейнасці. Чалавек, у якога яна сфарміравана, становіцца носьбітам гэтай культуры і сам прасоўвае яе ў сваім асяроддзі. Сёння дзейнасць прэс-службы, органаў нагляду і прапаганды мае агульную зону адказнасці: стварэнне асяроддзя, дзе бяспека становіцца ўнутранай патрэбай кожнага чалавека, – падкрэслIў Іван Палявода.

У завяршэнне першай часткі міністр акрэсліў прыярытэтныя задачы на 2026 год, зрабіўшы акцэнт на аператыўнасці, дакладнасці і якасці кантэнту, які павінен даходзіць да кожнага грамадзяніна.

Таксама Вадзім Сіняўскі ўзнагародзіў работнікаў, якія дасягнулі высокіх вынікаў у службовай дзейнасці.

У ходзе практычных блокаў спецыялісты абмеркавалі: інфармацыйнае рэагаванне ў крызісных сітуацыях, узаемадзеянне са СМІ, лічбавую экасістэму ведамства. Кіраўнікі рэгіянальных прэс-службаў падзяліліся вопытам работы «на месцах», прадставіўшы найбольш паспяховыя кейсы.

Асобнай тэмай нарады стала альтэрнатыўная медыяпавестка, якая рэалізуецца праз брэнды «Студыя 112» і «Служба выратавання», закліканыя стаць новымі цэнтрамі ўплыву.

– Нашы праекты ў новых медыя, такія як «Студыя 112» і «Служба выратавання», – гэта не проста даніна модзе. Гэта інструмент фарміравання альтэрнатыўнай павесткі, дзе выратавальнік паўстае не проста функцыяй, а чалавекам, героем, прафесіяналам. Мы павінны быць у смартфонах нашых грамадзян 24/7, прапаноўваючы якасны, стваральны кантэнт, які выклікае давер і вучыць бяспецы без павучанняў, – падкрэсліў у ходзе дыскусіі прэс-сакратар МНС Яўген Бараноўскі.

Заўтра ўдзельнікаў нарады чакае наведванне выставы «Мая Беларусь» у цэнтры BELEXPO.