МЧС Беларуси
Інфармацыя аб надзвычайных сітуацыях №47 з 06-00 гадзін 15 лютага 2026 г. да 06-00 гадзін 16 лютага 2026 г.
Адбыліся:
15 надзвычайных сітуацый тэхнагеннага характару.
Знішчаны 1 будынак, 1 адзінка тэхнікі.
Пашкоджаны 7 будынкаў, 3 адзінкі тэхнікі.
Загінулі на пажарах 2 чалавекі.
Выратаваны 3 чалавекі, з іх на пажары 1 чалавек.
Траўмаваны на пажары 1 чалавек.
Пажары з гібеллю людзей
15.02.2026 а 10-35 паступіла паведамленне аб пажары ў жылым доме ў аграгарадку Галубічы Глыбоцкага р-на Віцебскай вобласці. На пажары выяўлены загінулы гаспадар 1978 г.н., які не працаваў. Прычыны пажару і гібелі ўстанаўліваюцца.
16.02.2026 у 01-44 паступіла паведамленне аб пажары ў кватэры на чацвёртым паверсе пяціпавярховага жылога дома ў г. Гомелі па вул. Братоў Лізюковых. Работнікамі МНС выратавана гаспадыня 1952 г.н., пенсіянерка, якая з атручваннем прадуктамі гарэння шпіталізавана. На пажары выяўлены загінулы грамадзянін 1974 г.н., які знаходзіўся ў гасцях, месца работы якога, прычыны пажару і гібелі ўстанаўліваюцца.
Пажар у інтэрнаце
15.02.2026 а 22-28 сістэмай аўтаматычнай пажарнай сігналізацыі і перадачы паведамленняў аб надзвычайных сітуацыях «Маланка» выяўлены пажар у памяшканні (4х5 м) агульнай кухні на другім паверсе пяціпавярховага будынка (20х55 м, 1961 г.п.) інтэрната ў г. Магілёве па вул. Будаўнікоў. Пацярпелых няма, эвакуацыя не праводзілася. У выніку пажару пашкоджаны падаконнік у памяшканні кухні. Прычына пажару ўстанаўліваецца.
Пошукі людзей
15.02.2026 у 18-55 паступіла паведамленне аб грамадзянцы 1995 г.н., якая знаходзіцца ў водпуску па доглядзе за дзіцем, і яе сыне 2024 г.н., якія заблукалі ў лясным масіве каля аграгарадка Хацежына Мінскага р-на. Для пошукавых работ былі задзейнічаны 12 адзінак тэхнікі і 26 чалавек, з іх 11 адзінак тэхнікі і 24 работнікі МНС. У 19-34 работнікамі МНС грамадзянка і дзіця выратаваны (выяўлены), пасля агляду ва ўстанове аховы здароўя ў шпіталізацыі не маюць патрэбы.
Будь готов
Другие новости
Назад
