МЧС Беларуси
Информация о чрезвычайных ситуациях №48 с 06-00 часов 16 февраля 2026 г. до 06-00 часов 17 февраля 2026 г.
Адбыліся:
23 надзвычайныя сітуацыі тэхнагеннага характару.
Знішчаны 2 будынкі, 1 адзінка тэхнікі.
Пашкоджаны 14 будынкаў, 3 адзінкі тэхнікі.
Загінулі на пажарах 2 чалавекі.
Траўміраваны на пажарах 2 чалавекі.
Эвакуіраваны 79 чалавек.
Пажары з гібеллю людзей
16.02.2026 у 22-14 паступіла паведамленне аб пажары ў жылым доме ў в. Барсукі Клімавіцкага р-на Магілёўскай вобласці, які належыць грамадзянцы 1966 г.н. На пажары выяўлены загінулы брат гаспадыні 1959 г.н., пенсіянер. Прычыны пажару і гібелі ўстанаўліваюцца.
16.02.2026 у 23-38 паступіла паведамленне аб пажары ў жылым доме ў аграгарадку Пяршаі Валожынскага р-на Мінскай вобласці па зав. Савецкім. На пажары выяўлена загінулая гаспадыня 1963 г.н., пенсіянерка. Прычыны пажару і гібелі ўстанаўліваюцца.
Траўмаваныя, эвакуіраваныя
16.02.2026 у 14-40 паступіла паведамленне аб шпіталізацыі з апекамі грамадзянкі 1937 г.н., пенсіянеркі, атрыманымі ў выніку загарання на ёй адзення пры прыгатаванні ежы на газавай пліце ў жылым доме ў в. Шалавічы Слуцкага р-на Мінскай вобласці. Прычына пажару – парушэнне правілаў эксплуатацыі газавых прылад і агрэгатаў.
16.02.2026 у 21-50 паступіла паведамленне аб шпіталізацыі з апекамі грамадзяніна 1971 г.н., атрыманымі 15.02.2026 у выніку загарання на ім адзення пры распальванні печы з выкарыстаннем ЛВЖ (легкаўспламяняльных вадкасцей) у жылым доме ў в. Снусцік Пухавіцкага р-на Мінскай вобласці. Прычына пажару – неасцярожнае абыходжанне з агнём.
17.02.2026 у 02-18 паступіла паведамленне аб пажары ў кватэры на першым паверсе пяціпавярховага жылога дома ў г. Магілёве па бульвары Дняпроўскім. Работнікамі МНС з кватэр пад'езда, размешчаных вышэй, эвакуіраваны 12 чалавек. Прычына пажару ўстанаўліваецца.
Пажар у інтэрнаце
16.02.2026 у 18-40 сістэмай аўтаматычнай пажарнай сігналізацыі і перадачы паведамленняў аб надзвычайных сітуацыях «Маланка» выяўлены пажар на чацвёртым паверсе дзевяціпавярховага будынка (16х60 м, 1984 г.п.) інтэрната ў г. Салігорску Мінскай вобласці па вул. Канстанціна Заслонава. Работнікамі МНС і ў выніку спрацоўвання гукавога і маўленчага апавяшчэння аб пажары з будынка эвакуіраваны 67 чалавек, з іх 10 дзяцей. Пацярпелых няма. У выніку пажару ў пакоі (2х5 м) блока пашкоджана маёмасць, закапчоны памяшканні. Прычына пажару ўстанаўліваецца.
Будь готов
Другие новости
Назад
